Dè tha sònraichte mun chùrsa seo?
Tha an DLP Eadar-theangachadh Gàidhlig a’ freagairt orrasan a tha ag obair cheana mar eadar-theangaichean is iad airson tuilleadh leasachaidh a dhèanamh air an eòlas, sgilean agus cleachdadh. Tha e cuideachd freagarrach dhaibhsan aig a bheil ìre àrd de chomas ann an Gàidhlig agus Beurla a tha airson a dhol tron phròiseas a dh’fheumar a leantainn gus a bhith mar eadar-theangaiche comasach a bhiodh ag obair aig ìrean proifeiseanta.
Is iad na prìomh raointean ris am bithear a’ dèiligeadh an lùib na h-obrach ach planaichean Gàidhlig le buidhnean poblach, obair eadar-theangachaidh an lùib nam meadhanan, craoladh agus foillseachadh.
Feartan sònraichte
- Cothrom Sgilean Eadar-theangachaidh sònraichte ionnsachadh
- Air a stiùireadh le eadar-theangaichean proifeiseanta le mòran eòlais
- Air a dhealbh còmhla ri ionadan foghlaim adhartach is àrd-ìre, fastaidhearan agus a’ ghnìomhachas
Feumalachdan inntrigidh
- Bidh agad ri iarrtas a chur a-steach sa Ghàidhlig is iad a’ mìneachadh nan teisteanasan a tha aca agus an eòlas buntainneach
Bhiodh e na bhuannachd nam biodh an teisteanas a leanas agad:
- Sgilean Eadar-theangachaidh (Translation Skills) SCQF Ìre 10*
- Ceum sa chànan (no cànanan) buntainneach agus/no fileantachd no faisg air fileantachd/comas obrachaidh sa bhun-chànan agus sa chànan air a bheilear ag amas*
*Teisteanas le Sabhal Mòr Ostaig – nach eil bho SQA
Year 1 - PDA
Cuiridh tu crìoch air na h-aonadan a leanas:
- Ag eadar-theangachadh theacsaichean bho Bheurla gu Gàidhlig is bho Ghàidhlig gu Beurla
- Ag ullachadh airson eadar-theangachadh
- Ag eadar-theangachadh theacsaichean bho aon chànan gu cànan eile
- A' cumail rian air obair eadar-theangachaidh
- A’ leasachadh do sgilean mar eadar-theangair phroifeiseanta
- Measadh d’ obair mar eadar-theangair a tha ag obair a rèir shlatan-tomhais proifeiseanta
- Dèanamh planadh agus cur an cèill an leasachaidh phroifeiseanta leantainneach agad fhèin