Where your future means more 

Far a bheil ionnsachadh a' ciallachadh barrachd

www.uhi.ac.uk/alumni

Fàilte do chiad chuairt-litir nan alumni ann an 2023! Tha sinn an dòchas gun do thòisich a’ bhliadhna gu ciatach dhuibh. B’ e tè mhath a bh' ann dhuinne gu ruige seo aig UHI agus tha tòrr naidheachdan matha ann mu thràth ri am pàirteachadh ribh gu h-ìosal.

Mar a tha daonnan, tha sinn a’ cur luach mòr air na h-alumni againn agus tha sinn an dòchas gun cùm sibh ann an conaltradh rinn agus gun innis sibh dhuinn mar a tha a’ dol leibh.

Am bu mhath leibh ur naidheachd a phàirteachadh ri càch? Feuchaibh an ùraich sibh ur fiosrachadh gus innse dhuinn dè bha sibh ris bhon a dh’fhàg sibh UHI mar bhrosnachadh do na h-oileanaich a tha agus a bhitheas againn! Ma tha ceistean, molaidhean no beachdan sam bith agaibh, feuchaibh an cuir sibh fios thugainn.

Le deagh dhùrachdan bhon Sgioba Adhartais agus Conaltraidh ri Alumni.

Alison, Denise, Ellen, Sìne & Sophie 

Naidheachdan UHI Prionnsapal agus iar-sheansalair eadar-amail air a cur an dreuchd do UHI Tha UHI air Vicki Nairn a chur an dreuchd mar Phrionnsapal agus Iar-Sheansalair Eadar-amail. Tha i na ceannard gnìomha gnàth-eòlach a tha air a bhith ag obair gu farsaing thar nan roinnean prìobhaideach agus poblach ann an ceann a tuath na h-Alba fad cha mhòr 20 bliadhna. Thuirt Alastair MacColla, Cathraiche Chùirt UHI: “Tha Vicki Nairn a’ toirt leatha saidhbhreas gnàth-eòlais chun na dreuchd eadar-amail chudromaich seo. Tha i a’ tuigsinn ar com-pàirteachais, agus nan coimhearsnachdan air a bheil sinn a’ frithealadh, glè mhath, agus i 20 bliadhna, cha mhòr, a’ fuireach agus ag obair sa Ghàidhealtachd is na h-Eileanan. Tuilleadh fiosrachaidh Ministear an Fhoghlaim a' cur fàilte air goireas breug-shamhlachaidh chlionaigich ùr UHI Tha UHI air ionad breug-shamhlachaidh chlionaigich ùr fhosgladh ann an Inbhir Nis. Bha Jamie Hepburn BPA, am Ministear airson Foghlam Àrd-ìre agus Foghlam Adhartach, Cosnadh Òigridh agus Trèanadh, an làthair aig an tachartas fosglaidh san Ionad Saidheans Slàinte. Tha an t-ionad breug-shamhlachaidh air a dhèanamh suas de dhà sheòmar, a tha air an dealbhadh gus uàrdan ospadail ath-riochdachadh, agus leapannan ospadail, siostaman sgrùdaidh meidigeach is uidheamachd anns gach fear. Tha an goireas a’ tabhann seirbheisean sruthadh bhidio beò gus oileanaich aig àrainnean eile ann an UHI a chuideachadh gus pàirt a ghabhail anns a’ ghnìomhachd agus faodar a thoirt air mhàl cuideachd do bhuidhnean poblach, prìobhaideach agus treas roinn. Tuilleadh fiosrachaidh UHI a’ faighinn £450k airson uidheamachd obair-lainn a leasachadh Tha sinn air leth toilichte gun d’fhuair sinn £450k bhon fhonndas dhaon-ghràdhach mhòr le cliù eadar-nàiseanta, The Wolfson Foundation. Leigidh am maoineachadh le UHI an fharsaingeachd de dh’uidheam speactromatrachd tomaid aige a leasachadh, rud a bheir taic don rannsachadh againn ann an raointean leithid truailleadh uisge le cungaidhean-leighis, fulangas mhòintichean agus galaran fèith-chaitheach. Thuirt Alison Wilson, Stiùiriche Adhartais agus Conaltraidh ri Alumni UHI: “Tha sinn air leth taingeil gu bheil an Wolfson Foundation air roghnachadh taic a thoirt do UHI ann an dòigh cho cudromach. Seo a’ chiad tabhartas a thug Wolfson riamh do UHI. Tha e a’ comharrachadh na misneachd a th’ aca anns na tha sinn a’ dèanamh agus na lèirsinn a th’ againn airson an ama ri teachd.” Tuilleadh fiosrachaidh Luchd-leasachaidh ScotWind a’ toirt seachad £900,000 gus leudachadh a thoirt air prògram UHI airson sgoiltean a bhith a’ dol an greim ri STEM Anns an Fhaoilleach, dh’fhoillsich am Prìomh Mhinistear gu bheil iomairt le UHI a tha ag adhartachadh dhreuchdan ann an saidheans, teicneolas, innleadaireachd is matamataig (STEM) an dèidh maoineachadh a bharrachd de £900k fhaotainn on ghnìomhachas gaoithe aig fairge. Mealaidh clann bun-sgoile air feadh cheann tuath na h-Alba leasain shaoibhrichte, rud a leigeas leinn stuthan is trèanadh a bharrachd a thoirt seachad do luchd-teagaisg. Tha comas a-nis aig ar prògram for-ruigheachd, a tha an-dràsta san t-sèathamh bliadhna aige, sìneadh a-mach chun sgoiltean ann an Earra-Ghàidheal is Bòd, Moireibh, Arcaibh, Siorrachd Pheairt, Sealtainn agus na h-Eileanan Siar. Tuilleadh fiosrachaidh Cùmhnant Fàs nan Eilean ri tasgadh iomlan de £393m a leigeil mu sgaoil Tha aonta airson £100m a chur an seilbh ann an soirbheachadh eaconamach Arcaibh, Shealtainn agus Innse Gall san àm ri teachd air a shoidhnigeadh le Ministearan Riaghaltas na RA agus na h-Alba agus Ceannardan Comhairle nan trì buidhnean de dh’eileanan. Thathas an dùil gun tig suas ri 1,300 cosnadh agus £393 millean de thasgadh mar thoradh air soidhnigeadh a’ chùmhnaint chruth-atharrachail, Cùmhnant Fàs nan Eilean, eadar Riaghaltas na RA, Riaghaltas na h-Alba, Comhairle nan Eilean Siar, Comhairle Eileanan Shealtainn, agus Comhairle Eileanan Arcaibh. Thairis air deich bliadhna, bidh Cùmhnant Fàs nan Eilean a’ tasgadh ann an 16 pròiseactan agus prògraman a nì buil de bhuadhan sònraichte nan Eilean. Tha iad sin air an togail timcheall air trì cuspairean ro-innleachdail de charbon ìosal, taic a thoirt do fhàs agus gnìomhachasan san àm ri teachd, agus coimhearsnachdan seasmhach soirbheachail. Tuilleadh fiosrachaidh Oileanaich UHI a’ cuideachadh le bhith a’ toirt beò eachdraidh chaillte gleann iomallach air a’ Ghàidhealtachd ann an sreath chlaisneach mhòr ùr Tha ‘Hidden in Plain Sight’ a’ toirt beò a-rithist nan linntean de dh’eachdraidh thiodhlaicte agus dhìochuimhnichte Bhaile a’ Bhlàir, baile caillte, dìreach tacan beag bhon rathad eadar Ulapul agus Inbhir Nis ann an Inbhir Làla. Tha an t-sreath a’ fighe ri chèile sàr-eòlas bho luchd-acadaimigeach ann an UHI, a’ gabhail a-steach Darroch Bratt, a cheumnaich o chionn ghoirid le PhD, agus an t-Oll Elizabeth Ritchie agus an t-Oll Rachel Davies bho Ionad Eachdraidh UHI.   Cuideachd a’ nochdadh san t-sreath tha oileanach HNC ann an Cleasachd is Taisbeanadh Juliet Kelly agus Kady Lyon, oileanach BA (le Urram) ann an Dràma is Riochdachadh, a bha le chèile air an cur ann mar charactaran eachdraidheil. Tuileadh fiosrachaidh Èistibh ri Hidden in Plain Sight mar phod-chraoladh air na h-àrd-ùrlaran àbhaisteach agaibh Chaidh planaichean aontachadh airson cead a thoirt do mhòintichean Albannach tagradh a dhèanamh airson inbhe Dualchas na Cruinne le Unesco.  Tha ar n-Institiud airson Rannsachadh na h-Àrainneachd  air pàirt a ghabhail ann a bhith a’ cruthachadh na tairgse airson farsaingeachd 494,210 acair de bhoglach, lochan agus lòintean boglaich a tha a’ sìneadh tarsainn Ghallaibh is Cataibh a bhith air a cur ri làraichean dualchas na cruinne UNESCO. Agus i gu tric ga h-ainmeachadh mar Dhùthaich nam Boglaichean, ma gheibh i inbhe dualchas na cruinne bidh i air a cur còmhla ris na sia làraichean eile ann an Albainn; Balla Antoninus, Cridhe Làraichean Arcach Linn Ùr na Cloiche, Lannraig Ùr, Seana Bhaile is Baile Ùr Dhùn Èideann, Hiort agus Drochaid Fhoirthe. Tha dùil gun tèid an tagradh a chur a-steach tràth ann an 2023, le freagairt ann an 2024. Bloga UHI! Gus Seachdain Ghàidhlig an t-Saoghail a chomharrachadh, bidh an t-Oll Mandy Haggith, òraidiche ann an sgrìobhadh cruthachail agus litreachas aig UHI Inbhir Nis, agus alumnae o UHI, a’ pàirteachadh lèirsinn air aibidil chraobhan na Gàidhlig agus air pròiseact a tha a’ toirt oileanaich coilltearachd is litreachais còmhla. Cliùiticheamaid Aibidil Chraobhan na Gàidhlig! Mar phàirt den t-Seachdain Uaine na bu thràithe air a’ mhìos seo, tha oileanach MA ann an slàinte is sunnd, Sandra NicRath, air 10 molaidhean a bhlogadh gus taic a thoirt do shlàinte uaine, agus i a’ soilleireachadh na deagh bhuaidh a dh’fhaodas a bhith aig nàdar air ar slàinte is ar sunnd, a’ gabhail a-steach a bhith ri ‘plogging’ agus a bhith a’ dèanamh cafaidh ghràineagan dhuibh fhèin! Innsibh barrachd dhomh! Agus seusan Up Helly Aa fo làn sheòl, thall air a’ bhloga UHI againn, tha Selina May Miller à Sealtainn a' bruidhinn air dualchas Up Helly Aa agus na tha e a' ciallachadh do choimhearsnachdan Shealtainn. Dè a th’ ann an Up Helly Aa?

Sgeulachdan Alumni UHI! Stephanie NicCionaoidh BSc le Urram ann an Eòlas-inntinn, UHI Inbhir Nis, 2022 Meal-an-naidheachd air leth air Stephanie NicCionaoidh, a choisinn Duais Òigridh na h-Alba airson Sàr-mhathais ann an Cultar nam Beann aig Fèis Bheanntan a’ Ghearastain am-bliadhna le taic bho UHI Gàidhealtachd an Iar! Agus i air ceumnachadh ann an 2022, rinn Stephanie stuidearachd air eòlas-inntinn aig UHI Inbhir Nis agus chaidh a h-aithneachadh airson a h-obair shaor-thoileach agus airson a’ bhuidheann bhaidhsagalan-beinne do bhoireannaich ‘Fort William Foxes’ a stèidheachadh. Neach-iomairt brosnachail a tha ag obair gu cruaidh gus coimhearsnachd a’ Ghearastain a chomasachadh a bhith a’ cur ùidh ann an nàdar, an àrainneachd agus gnìomhachdan a-muigh. Cuideachd, choisinn i Duais Jonathan Sime bho Oilthigh Surrey airson an tràchdais a rinn i na bliadhna mu dheireadh air buaidh shaidhgeòlach snàmh air a’ bhlàr a-muigh!  Faodaidh sibh coimhead air bhidio sgoinneil de Stephanie a’ bruidhinn gu dìoghrasach mun choimhearsnachd ionadail aice an seo!  Cuiribh eòlas air an tosgaire alumni as ùire againn! Francesca Molinari BSc le Urram ann an, Marine Science with Arctic Studies, 2020, SAMS “Às deidh dhomh ceumnachadh bho SAMS chlàraich mi air Ceum Maighstireachd ann an eag-thogsaig-eòlas aig Oilthigh Gothenburg, san t-Suain a chrìochnaich mi an-uiridh. Tha mi an-dràsta nam oileanach PhD sa chiad bhliadhna aig Oilthigh Exeter.  IBha tlachd bhaibheil agam de bhith nam oileanach aig SAMS. Ghabh mi a h-uile cothrom pàirt a ghabhail ann am beatha nan oileanach, agus chòrd e rium gu mòr an rud a bha mi ag ionnsachadh agus an dòigh phrataigeach agus neo-fhoirmeil san robh saidheans mara ga teagasg. Na ceithir bliadhna a chuir mi seachad aig SAMS agus na daoine ris an do choinnich mi aig an àm seo, thug iad buaidh mhòr orm mar neach-saidheans agus chuir iad mi air an t-slighe cheart airson soirbheachadh nam chùrsa-obrach.  Bu mhath leam rudeigin a thoirt air ais don choimhearsnachd bhaibheil seo de luchd-saidheans agus co-inbhich le bhith a’ cuideachadh a bhith a’ brosnachadh oileanaich ùra feuch an tòisich iad air cùrsa-obrach ann an saidheans mara agus a bhith a’ toirt spreigeadh dhaibh cothroman a lorg airson an cùrsa-obrach adhartachadh agus an ùidhean a bheathachadh.” Tha àiteachan againn do thosgairean alumni a bha ag ionnsachadh aig UHI Earra-Ghàidheal, UHI Moireibh, UHI Sealtainn, UHI Gàidhealtachd an Iar, CDG neo Sabhal Mòr Ostaig. Is e na h-alumni againn na tosgairean as fheàrr a th’ againn. Tha sinn a’ togail coimhearsnachd de thosgairean alumni feuch am bi i na prìomh ghoireas air an cuir oileanaich feum agus iad a’ dèanamh cho-dhùnaidhean a thaobh cur a-steach airson chùrsaichean. Faodaidh iad fios a thairgsinn mu na bhithear a’ sùileachadh bho bhith ag ionnsachadh aig UHI, na bu chòir a bhith an dùil ris, cothromachadh eadar a’ bheatha is an obair, msaa. agus innse mu na dh’fhiosraich iad fhèin agus iad ag ionnsachadh an seo.   Faodaidh àite cudromach a bhith aig tosgairean alumni cuideachd ann a bhith ag ullachadh oileanaich làithreach airson saoghal na h-obrach agus aig an aon àm a’ leudachadh an lìonra de cheumnaichean co-cheangailte air feadh an t-saoghail. Ùidh agaibh? Leughaibh tuilleadh! Chùm Sgoil Ealain Mhoireibh a' chiad bhùth-obrach alumni aca na bu thràithe air a' mhìos seo. Bha mòran deasbaireachd bhuannachdail ann mu dhòighean a bhith a’ stèidheachadh is a’ cumail cheanglaichean brìoghmhor.  Ma tha sibh am beachd ur buidheann alumni fhèin a stèidheachadh, is dòcha gu h-ionadail don sgìre agaibh fhèin no don chùrsa agaibh fhèin, leigibh fios thugainn agus chì sinn mar a chuidicheas sinn! Laura Harvey BSc (le Urram) Eòlas-inntinn, 2015, UHI Inbhir Nis “Às deidh dhomh ceumnachadh lean mi orm nam neach-taic le Uathachas na h-Alba, a’ toirt taic do dh’inbhich sho-leònte gus an dèanadh iad làn bhuil de am beatha. Ann an 2017 fhuair mi àrdachadh gus an robh mi am measg an luchd-stiùiridh agus thar nan ceithir bliadhna an dèidh sin, bha mi a’ stiùireadh iomadh seirbheis eadar-dhealaichte air taobh an iar na h-Alba, a’ gabhail a-steach fosgladh seirbheis taic taigheadais ùr-nodha ann an 2020/21. B’ e euchd mòr a bha seo agus dh’ionnsaich mi an t-uabhas. Ann an 2021 rinn mi leum creidmheach san dorchadas agus dh’atharraich mi mo dhreuchd a thòiseachadh air obair mar leas-mhanaidsear le solaraiche cùram-chloinne còmhnaidheach ùr. B’ e mo mhiann is mo dhùrachd riamh a bhith ag obair le clann agus bha mi a’ faicinn seo mar chothrom air leth airson atharrachadh a dhèanamh do chlann a bha a’ tighinn beò le duilgheadasan tròma agus adhartais, rud a bha inntinneach dhomh fad a’ chùrsa ceuma agam. Rinn mi strì a chumail cothromachadh eadar ionnsachadh agus a bhith nam mhàthair làn-ùine (rugadh am pàiste as òige agam aig deireadh na 3mh bliadhna!) agus tha mi fhathast a’ strì a chumail cothromachadh eadar a bhith nam mhàthair agus a bhith ag obair làn-ùine, ach cha toirinn atharrachadh air air na chunnaic mi riamh.  Cha dìochuimhnich mi gu bràth an taic a thug UHI dhomh feadh a’ chùrsa ceuma agam, agus cha bhithinn far a bheil mi an-diugh mura b’ e sin - gabhaidh rud sam bith dèanamh ma dh’obraicheas sibh gu cruaidh agus ma tha na daoine ceart agaibh gur misneachadh!" Shirley Catto HNC Cleachdadh Cùram Slàinte, 2008, UHI Moireibh Meal-an-naidheachd air Shirley a choisinn duais chliùiteach Neach-altraim na Banrigh! "Chaidh a' bhanaltram a th’ annam an-diugh a chumadh le UHI Moireibh. 'S e a' chomhairle a tha agamsa do dhuine sam bith a tha a' smaoineachadh air atharrachadh dreuchd coimhead air na cùrsaichean a tha ri am faotainn agus an leum sin a dhèanamh. Co aige tha fios càit an toir e sibh" - Shirley Agus i a-nis na Speisealaiche Altram Niùro-eòlais aig Ospadal Seafield ann am Bucaidh, bha Shirley am measg 20 neach-altraim coimhearsnachd eile a chaidh a thaghadh gus am prògram naoi mìosan a choileanadh, a chaidh a thoirt a-steach do nursaichean a tha air am meas mar shàr-eòlaichean san raon aca. Tha a nighean, Libby, air ceumannan a màthar a leantainn cuideachd, agus i an dèidh an HNC ann an Cleachdadh Cùram Slàinte a choileanadh leinn, agus tha i a-nis ag obair mar Bhanaltram aig Ospadal an Dr Gray. Leughaibh am bloga slàn A bheil ùidh agaibh ann an teagasg? Fiosraichibh mar a nì sibh ionnsachadh pàirt-ùine airson a bhith nur tidsear bun-sgoile no àrd-sgoile bho àite sam bith ann an Alba Le taic bho Riaghaltas na h-Alba, tha prògraman ùra dà bhliadhna UHI airson PGDE Bun-sgoile agus Àrd-sgoile (tro mheadhan na Beurla)* gun samhail ann an Alba agus iad ag amas air ceumnaichean a tha airson slighe phàirt-ùine a leantainn gu bhith nan tidsear. Bidh an t-ionnsachadh a’ tòiseachadh le seiminearan air-loidhne oidhche Luain agus aon latha san t-seachdain san sgoil, agus bithear a’ cur ris na greisean-gnìomhachais ann an sgoiltean ionadail gus an ruig iad còig làithean, eadar Giblean agus Ògmhios na dàrna bliadhna. Airson barrachd fiosrachaidh fhaighinn, feuchaibh gun glèidh sibh àite dhuibh fhèin san t-seiminear-lìn againn air Teams Diardaoin 9 Màrt aig 7.00f. Bidh an tachartas fo stiùir an Àrd-Ollaimh Mòrag Redford agus Judith Rothach, ceannard phrògraman airson prògraman PGDE agus a’ gabhail a-steach: Fiosrachadh tòiseachail mu phrògraman foghlam luchd-teagaisg UHI Na tha ùr sna prògraman dà bhliadhna pàirt-ùine airson PGDE Bun-sgoile agus Àrd-sgoile (tro mheadhan na Beurla). Ceistean cumanta Ceistean on luchd-èisteachd *Thoiribh an aire gu bheil na cùrsaichean seo buailteach do chreideasachadh le Comhairle Choitcheann Teagaisg na h-Alba. Airson tuilleadh fiosrachaidh tadhlaibh air: PGDE Bun-sgoile (Tro Mheadhan na Beurla) (Pàirt-ùine) PGDE Àrd-sgoile (Tro Mheadhan na Beurla) (Pàirt-ùine)

Your privacy is important to us The university is committed to protecting your personal information in accordance with the laws concerning data protection and personal information. This privacy notice explains how your personal information is processed and used by the university. You can unsubscribe at any time. By clicking on the link below, you will unsubscribe from ALL emails from UHI.  If you would rather let us know your communication preferences, please email us at alumni@uhi.ac.uk

Tha ur prìobhaideachd cudromach dhuinn Tha an t-oilthigh dealasach a bhith a’ dìon an fhiosrachaidh phearsanta agaibh a rèir nan laghan a thaobh dìon dàta agus fiosrachadh pearsanta. Tha am brath prìobhaideachd seo a’ mìneachadh mar a thèid am fiosrachadh pearsanta agaibh a làimhseachadh is uisneachadh leis an oilthigh. Faodaidh tu dì-chlàradh aig àm sam bith. Le bhith a’ briogadh air a’ cheangal gu h-ìosal, fàgaidh tu di-chlàradh bho GACH post-d bho UHI. Nam b’ fheàrr leat na dòighean conaltraidh agad innse dhuinn, cuir thu post-d thugainn aig alumni@uhi.ac.uk.

Unsubscribe

UHI

Ness Walk, Inverness, IV3 5SQ