Far a bheil ionnsachadh a’ ciallachadh barrachd
- barrachd is 70 suidheachadh
- barrachd is 300 cùrsa
- barrachd is 40,000 oileanach
- taic do dh’oileanaich aig cridhe gach nì a bhios sinn a’ dèanamh
- barrachd roghainnean, a’ gabhail a-steach ionnsachadh sùbailte do dhaoine os cionn 50 bliadhna
Deiseil airson tuilleadh fiosrachaidh mu bhith ag ionnsachadh leinn? Dèanamaid forfhais >
Na h-àrainnean againn
Ge bith cò an àrainn a thaghas sibh, is e fèin-fhiosrachadh oileanaich gun samhail a bhios agaibh. Le còrr is 70 àrainn sgapte air feadh na h-Alba, tha sinn moiteil às a’ cheangal a th’ againn ri ar cruthan-tìre iongantach agus ar coimhearsnachd shaidhbhir.
Cuiridh sibh eòlas air:
- Coilltean is beanntan airson campachadh, rothaireachd beinne agus coiseachd
- Tràighean eireachdail gun chrìoch den t-seòrsa as fheàrr a ghabhadh airson a h-uile càil a thaobh snàmh, bòrdadh-pleadhaige agus caidheagadh
- Sgìre a tha ainmeil airson biadh is deoch air leth
- Ar cultar iongantach, le dùin is caistealan, tobhtaichean drùidhteach agus fèisean ciùil is ealain a tha ainmeil air feadh an t-saoghail
Moireibh
Faigh a-mach mu 35 mìle de thràighean gainmhich òrail, dùthaich gun mhilleadh agus bith-iomadachd bheairteach. Rannsaich cuid de na tràighean as ‘instagramable’ ann an Alba, foirfe airson a h-uile càil a bhith a’ snàmh, a’ pleadhadh air bòrd agus a’ caitheagadh. Leis a’ Mhonadh Ruadh air do stairsich airson sgitheadh agus bòrdadh-sneachda, bidh gnìomhachd a-muigh a’ ruith tron gheamhradh.
Tha Moireibh na dhachaigh don dàrna leth de thaighean-staile uisge-beatha na h-Alba, agus tha an sgìre ainmeil airson a bhiadh is deoch air leth. Tha a cultar inntinneach, le dùin is caistealan, tobhtaichean àile agus clachan dìomhair Cruithneach ri lorg, agus fèisean ciùil is ealain a tha ainmeil air feadh an t-saoghail ri mhealtainn.
Arcaibh
Tadhail air Làrach Dualchas na Cruinne UNESCO aig Cridhe Nuadh-chreagach Arcaibh. Gabh ceum air ais gu eachdraidh gus faicinn mar a bha ar sinnsearan a’ fuireach aig tuineachadh ro-eachdraidheil Skara Brae, nas sine na Stonehenge agus na pioramaidean Èiphiteach.
Thoir fianais air bòidhchead draoidheil Cearcall Cloiche Cearcall Brodgar, a thathas a’ creidsinn a tha na làrach tiodhlacaidh a thathas a’ cleachdadh gus an dàimh eadar beò agus mairbh a chomharrachadh.
Le 5000 bliadhna de dh’eachdraidh, faigh a-mach cultar làidir thar 70 eilean, le iolairean buidhe ag itealaich os an cionn, leumadairean a’ leum sa chuan, agus buthaidean a’ neadachadh anns na bearraidhean. Chan eil àite idir coltach ri Arcaibh far am faighear eòlas air draoidheachd na h-ama a dh’fhalbh air a chuairteachadh le bòidhchead na h-Alba.
Peairt
Tha Peairt, ris an abradh iad prìomh-bhaile na h-Alba aig aon àm, air sgàth cho measail ’s a bha a’ mhuinntir rìoghail air, na bhaile-mòr trang, cruinn agus brèagha le mòran thaighean-bìdh, bhàraichean, bhùthan agus talla-ciùil is taigh-cluiche duaisichte. Tha Peairt air stairsneach Ghàidhealtachd is Eileanan na h-Alba, le seallaidhean a tha ro-iongantach air fad agus dualchas cultarach saidhbhir.
Fìor mhath airson fiadh-bheatha fhaicinn agus gnìomhachdan gaoireil air a’ bhlàr a-muigh, le coiseachd chnoc, sgìtheadh, bòrdadh-sneachda, rothaireachd beinne, ràthadaireachd bras-uisge, marcachd, goilf, iasgach, curachanachd agus streap, am measg chothroman eile air dàna-spòrs, uile air an stairsnich againn.
Is gun e ach uair a thìde bho Dhùn Èideann agus Glaschu, chaidh Peairt a bhòtadh mar aon de na h-àiteachan as fheàrr san dùthaich a bhith a’ fuireach ann agus is e aon de na bailtean-mòra as càirdeile agus as sàbhailte san RA.
Sabhal Mòr Ostaig
Tha an t-Eilean Sgitheanach, am fear as motha de na h-Eileanan a-staigh, gu cunbhalach air ainmeachadh am measg nan cinn-uidhe siubhail as fheàrr san t-saoghal. Tha Sabhal Mòr Ostaig suidhichte ann an Slèite ann an ceann a deas an eilein, ris an canar cuideachd ‘Lios an Eilein’. 'S e coimhearsnachd shàbhailte, chàirdeil a th' ann an Slèite, le seallaidhean àlainn den mhuir agus de bheanntan a' Chuilthinn.
Tha cliù aig an Eilean Sgitheanach airson deagh bhiadh is deoch, fiadh-bheatha agus cur-seachadan a-muigh, a bharrachd air cultar beairteach làn ciùil, òrain Ghàidhlig, beul-aithris agus eachdraidh ann am pailteas. Bidh oileanaich a’ tighinn an seo airson ionnsachadh ann an àrainneachd bogaidh làn Gàidhlig, air a chuairteachadh le cuid de na seallaidhean agus na seallaidhean-tìre as suaicheanta ann an Alba.
Barrachd chothroman airson gnothachas
Barrachd smaoineasan
A’ tabhann farsaingeachd nas motha de roghainnean na colaiste no oilthigh fa leth sam bith
Barrachd iomairtean
Obraichibh còmhla ri luchd-acadaimigeach den chàileachd as àirde san t-saoghal gus ur gnothachas a leasachadh
Barrachd chothroman
Àrdaichibh ur sgilean no togaibh sgilean ùra, is urrainn dhuinn trèanadh a chreideasachadh, cuideachadh le preantasachdan, agus mòran a bharrachd
Barrachd chothroman airson rannsachadh
Tha sinn a’ tabhann obair-lannan nàdarra agus cothroman gun choimeas gus taic a thoirt do rannsachadh aig ìre chruinneil tarsainn farsaingeachd mhòr de chuspairean.
Bidh an luchd-rannsachaidh againn ag obair tarsainn sgiobaidhean, lìonraidhean agus suidheachaidhean air feadh na sgìre agus aig an ìre eadar-nàiseanta.
Tha ar rannsachadh a’ cuimseachadh gu sònraichte air:
- An comann-sòisealta, fèin-aithne, cruth-tìre agus eòlas
- An institiud rannsachadh agus ùr-ghnàthachadh slàinte
- Cùisean mara, saidheans na h-àrainneachd agus innleadaireachd
- Daonnachdan agus ealain
