Far a bheil ionnsachadh a’ ciallachadh barrachd
- barrachd is 70 suidheachadh
- barrachd is 300 cùrsa
- barrachd is 40,000 oileanach
- taic do dh’oileanaich aig cridhe gach nì a bhios sinn a’ dèanamh
- barrachd roghainnean, a’ gabhail a-steach ionnsachadh sùbailte do dhaoine os cionn 50 bliadhna
Deiseil airson tuilleadh fiosrachaidh mu bhith ag ionnsachadh leinn? Dèanamaid forfhais >
![Collage of 3 | Student in a laboratory | People on bikes | Students walking outside student accommodation Collage of 3 | Student in a laboratory | People on bikes | Students walking outside student accommodation](/en/t4-media/one-web/university/study-at-uhi/study-with-us-and-homepage/Homepage-collage-123.png)
Na h-àrainnean againn
Ge bith cò an àrainn a thaghas sibh, is e fèin-fhiosrachadh oileanaich gun samhail a bhios agaibh. Le còrr is 70 àrainn sgapte air feadh na h-Alba, tha sinn moiteil às a’ cheangal a th’ againn ri ar cruthan-tìre iongantach agus ar coimhearsnachd shaidhbhir.
Cuiridh sibh eòlas air:
- Coilltean is beanntan airson campachadh, rothaireachd beinne agus coiseachd
- Tràighean eireachdail gun chrìoch den t-seòrsa as fheàrr a ghabhadh airson a h-uile càil a thaobh snàmh, bòrdadh-pleadhaige agus caidheagadh
- Sgìre a tha ainmeil airson biadh is deoch air leth
- Ar cultar iongantach, le dùin is caistealan, tobhtaichean drùidhteach agus fèisean ciùil is ealain a tha ainmeil air feadh an t-saoghail
![Sabhal Mòr Ostaig campus Sabhal Mòr Ostaig campus](/en/t4-media/one-web/university/study-at-uhi/study-with-us-and-homepage/SMO.png)
![Aerial image of UHI Inverness campus Aerial image of UHI Inverness campus](/en/t4-media/one-web/university/study-at-uhi/study-with-us-and-homepage/Homepage-collage-1.png)
Inbhir Nis
Ionnsaichibh ann am prìomh-bhaile na Gàidhealtachd. Dìreach astar beag bho Phàirc Nàiseanta a’ Mhonaidh Ruaidh - a’ Phàirc Nàiseanta as motha san RA - is e àite air leth a th’ ann an Inbhir Nis airson coiseachd, campachadh agus spòrsachan uisge is geamhraidh aig ìre chruinneil.
Ann an seo aig toiseach is deireadh Shlighe a’ Chosta a Tuath 500, rud as do-sheachnaichte eòlas a chur air, a rèir Lonely Planet (2019), cha bhi sibh uair sam bith gun rudeigin ri dhèanamh, le glinn, lochan, beanntan agus tràighean do-dhìochuimhnichte air an stairsich agaibh.
Agus e air a’ bhaile-mhòr as saidhbire ann an cultar san RA (The Times 2019), tha Inbhir Nis air a chumadh le dualchas cultarach saidhbhir na sgìre, bho a chànan agus a eachdraidh chun na h-àrainneachd nàdarra iongantach aige agus a’ bheothalachd a th’ ann a thaobh saoghal nan ealain.
A Tuath, an Iar agus Innse Gall
Ann an cuid de na sgìrean as iongantaiche ann an Alba, tha na 19 àrainnean agus ionadan againn a’ tabhann foghlam den t-seòrsa as fheàrr a gheibhear an àite sam bith san t-saoghal agus cothroman air leth.
Le àrainnean a tha sgapte air feadh Shlighe a’ Chosta a Tuath 500, faodaidh sibh a bhith ag ionnsachadh ann an cuid de na h-àiteachan as suaicheanta san RA. Cuiribh eòlas air co-fharpaisean surfaidh eadar-nàiseanta ann an Inbhir Theòrsa, prìomh-bhaile na RA airson ghnìomhachdan a-muigh sa Ghearastan, linneachan seunta nan sìbhreach san Eilean Sgitheanach no theirigibh a dh’fhaicinn Clachan Chalanais ann an Eilean Leòdhais, a tha ann o chionn 9000 bliadhna.
An gach aon de na suidheachaidhean againn, bidh sinn ag altram àrainneachd ionnsachaidh a tha furanach, in-ghabhalach. Tha an luchd-obrach dìcheallach agus na h-oileanaich againn nan coimhearsnachd dhlùth a chuireas luach air iomadachd agus a bhrosnaicheas daoine fa leth a bhith gan leasachadh fhèin.
![Loch Leven and Loch Linnhe at Glencoe Loch Leven and Loch Linnhe at Glencoe](/en/t4-media/one-web/university/study-at-uhi/study-with-us-and-homepage/Homepage-collage-121.png)
![Green hills and a bay on the Shetland islands Green hills and a bay on the Shetland islands](/en/t4-media/one-web/university/study-at-uhi/study-with-us-and-homepage/Homepage-collage-125.png)
Sealtainn
Le uimhir ri dhèanamh air feadh 100 eilean, faodaidh sibh a bhith ri rothaireachd, coiseachd agus streap a-muigh, tadhal air an taigh-dhealbh as fhaide tuath san RA, agus a bhith air ur cuairteachadh le coimhearsnachd ealain thorrach. Mealaibh na tràighean geala gainmhich agus an t-uisge soilleir gorm le snàmh air a’ bhlàr a-muigh, surfadh no seòladh. Faodaidh sibh a bhith ri dàibheadh scuba gus an rannsaich sibh uaimhean fon uisge, long-bhrisidhean eachdraidheil agus riof a tha a’ lùsadh le fiadh-bheatha. Chì sibh na dòbhrain, na madaidhean-cuain is na leumadairean, agus gun teagamh, na pònaidhean beaga Sealtainneach!
Cuiribh eòlas air fèis Up Helly Aa, fèis teine Lochlannach far am bi na mìltean a’ tighinn còmhla a bhith gan èideadh fhèin ann an aodach nan seana Lochlannach, a’ dannsadh agus a’ losgadh long-fhada Lochlannach. Leanaibh ann an ceumannan nan seana Lochlannach san sgìre seo a tha na Geò-phàirc Chruinneil le UNESCO.
Comann Saidheans Mara na h-Alba
Dèan sgrùdadh aig an oilthigh air an tràigh san Òban, air costa an iar na h-Alba. Bi nad phàirt de choimhearsnachd shòisealta fhiùghantach is thaiceil, a’ fuireach air a’ bhlàr a-muigh am measg sheallaidhean iongantach. Rach a shnàmh sa mhuir eadar òraidean, coinneachadh ri caraidean airson coiseachd beinne no turas baidhseagal. Tilg thu fhèin a-steach don bhlàr a-muigh, le seòladh, ràthadaireachd uisge-geal, sreap agus sgitheadh air do stairsich. Thig còmhla ri coimhearsnachd in-ghabhalach, far am bi oileanaich a’ mìneachadh an àite fhèin. Tha ficheadan de chruinneachaidhean oileanach sòisealta ann, biodh sin airson BBQan air an tràigh, pàrtaidhean taighe, sreap thaighean-seinnse agus oidhcheannan film.
![Harbour in Oban Harbour in Oban](/en/t4-media/one-web/university/study-at-uhi/study-with-us-and-homepage/SAMS.png)
![Collage of 2 | People in a meeting | Person gathering data Collage of 2 | People in a meeting | Person gathering data](/en/t4-media/one-web/university/study-at-uhi/study-with-us-and-homepage/Business-image.png)
Barrachd chothroman airson gnothachas
Barrachd smaoineasan
A’ tabhann farsaingeachd nas motha de roghainnean na colaiste no oilthigh fa leth sam bith
Barrachd iomairtean
Obraichibh còmhla ri luchd-acadaimigeach den chàileachd as àirde san t-saoghal gus ur gnothachas a leasachadh
Barrachd chothroman
Àrdaichibh ur sgilean no togaibh sgilean ùra, is urrainn dhuinn trèanadh a chreideasachadh, cuideachadh le preantasachdan, agus mòran a bharrachd
Barrachd chothroman airson rannsachadh
Tha sinn a’ tabhann obair-lannan nàdarra agus cothroman gun choimeas gus taic a thoirt do rannsachadh aig ìre chruinneil tarsainn farsaingeachd mhòr de chuspairean.
Bidh an luchd-rannsachaidh againn ag obair tarsainn sgiobaidhean, lìonraidhean agus suidheachaidhean air feadh na sgìre agus aig an ìre eadar-nàiseanta.
Tha ar rannsachadh a’ cuimseachadh gu sònraichte air:
- An comann-sòisealta, fèin-aithne, cruth-tìre agus eòlas
- An institiud rannsachadh agus ùr-ghnàthachadh slàinte
- Cùisean mara, saidheans na h-àrainneachd agus innleadaireachd
- Daonnachdan agus ealain
![Collage of students in laboratories Collage of students in laboratories](/en/t4-media/one-web/university/study-at-uhi/study-with-us-and-homepage/Homepage-collage-1-1.png)