Spòrs
Cothrom air Ionadan Spòrs
Tha aonta aig High Life na Gàidhealtachd agus UHI ballrachd ionadan chur-seachadan a thoirt air prìs lasaichte do dh’oileanaich agus luchd-obrach an oilthigh. Is iad sin:
- 30% far ballrachd oileanaich
- 10% far ballrachd teaghlaich do dh’oileanaich
- 10% far ballrachd duine fa leth agus teaghlaich do luchd-obrach
Lorgaibh an t-ionad chur-seachadan as fhaisge oirbh
Tha an com-pàirteachas againn le High Life na Gàidhealtachd (HLG) a-nis a’ tabhann lasachaidhean cuideachd aig mòran ghnothachasan, bhùitean is àiteachan tarraingeach. Tha lasachaidhean ri am faighinn leis a’ chairt HLG pàighte (fiosrachadh gu h-àrd), agus an tionndadh an asgaidh den chairt a ghabhas uisneachadh ann an leabharlannan HLG. Iarraibh fiosrachadh mu na lasachaidhean sin
Tha cothrom aig oileanaich ann an Colaiste Pheairt UHI air goireasan air leth aig an Acadamaidh Spòrs is Sunnd, a tha a’ tabhann lasachaidhean air ballrachd, clasaichean lùthmhoireachd agus trèanadh pearsanta do gach oileanach a tha clàraichte le UHI Peairt.
Gheibh oileanaich ann an UHI Inbhir Nis agus UHI Moireibh lasachadh cuideachd air na goireasan lùth-chleas aig na h-àrainnean aca. Cuiribh fios chun an sgioba HISA ionadail agaibh airson tuilleadh fiosrachaidh.
Gabhaibh pàirt - Clubaichean HISA agus Cothroman Spòrs
Tha caochladh chlubaichean is chomainn aig comann nan oileanach, HISA, a dh’fhaodas sibh dol nur ball dhiubh. Am measg nan clubaichean spòrs a tha ri am faighinn tha:
Tha grunn chlubaichean aig HISA a ghabhas a-steach gnìomhachdan bho Sheòladh gu Spòrsachan Sneachda. Lorgaibh liosta slàn de na clubaichean a th’ ann an-dràsta, agus mar a stèidhicheas sibh am fear agaibh fhèin air làrach-lìn HISA.
Duaisean nan Gorm Spòrsach
Tha Duaisean nan Gorm Spòrsach gan cleachdadh ann an oilthighean a chliùiteachadh sàr-mhathas ann an spòrs bho na bliadhnaichean 1800. Chaidh sgeama dhuaisean Ghorm Spòrsach an oilthigh a chur air bhonn sa Mhàrt 2017 agus bidh e a’ cliùiteachadh euchdan nan oileanach againn ann an spòrs.
Thug an sgeama dhuaisean, a tha na iomairt eadar an t-oilthigh agus Comann Oileanaich na Gàidhealtachd agus nan Eilean le chèile, dearbh air a bhith fìor shoirbheachail ann a bhith a’ tarraing thagraichean sa chiad bhliadhna aige agus na Guirm gam buileachadh aig cuirmean-ceumnachaidh air seachdnar bhuannaichean.
Bu mhath leinn ìmpidh a chur air oileanaich agus luchd-obrach sàr oileanaich ainmeachadh agus cuideachd a bhith a’ toirt buaidh air oileanaich iad fhèin no lùth-chleasaichean eile ainmeachadh.
Feuchaibh an toir sibh mionaid airson Slatan-tomhais nan Gorm Spòrsach a leughadh. Thoiribh an aire gum feum a h-uile ainmeachadh a bhith airson oileanaich làithreach ann an UHI.
Dè a th’ ann an Duaisean nan Gorm Spòrsach?
Guirm Iomlan
Bithear a’ buileachadh Gorm Iomlan air lùth-chleasaichean le comas air leth air am breithneachadh a rèir bhun-tomhasan a bhuineas do spòrsachan eadar-dhealaichte nan oileanach.
Leth-Ghuirm
Bithear a’ buileachadh Leth-Ghuirm air lùth-chleasaichean airson a bhith a’ cluich fada os cionn na h-ìre chuibheasaich airson 1d sgioba leis an Oilthigh (far a bheil sin iomchaidh) no airson an t-Oilthigh a riochdachadh mar neach fa leth ann am farpais aig ìre nàiseanta.
Dathan
Gus Dath fhaighinn, feumaidh lùth-chleasaichean, far a bheil e iomchaidh, a bhith a’ seirbheiseachadh agus a’ cluich às leth a’ chlub aca agus a bhith nam buill chunbhalach den chiad sgioba, a’ riochdachadh na sgioba ann an co-dhiù 65% de na geamannan iomchaidh, agus a’ clàradh co-dhiù aon bhuaidh.
Neach-Spòrs na Bliadhna
Is e duais a tha seo do lùth-chleasaichean air leth, bheir am panail breith gach bliadhna am bu chòir dhaibh a bhuileachadh, agus a’ bhreith a’ leantainn na h-aon shlatan-tomhais ’s a tha airson Gorm Iomlan.
Sgioba na Bliadhna aig UHI
Chan eil an duais seo fosgailte ach don 1d sgioba de spòrs BUCS sam bith, agus faodar a buileachadh dìreach airson an ìre coileanaidh anns an ùine eadar a’ choinneamh mu dheireadh de Chomataidh Dhuaisean nan Gorm sa bhliadhna roimhe agus a’ choinneamh mu dheireadh de Chomataidh Dhuaisean nan Gorm sa bhliadhna seo.
Gorm Urramach
Builichear seo air lùth-chleasaichean a choisinn buinn aig Farpaisean Cruinneil, Cuachan Cruinneil, Geamannan a’ Cho-fhlaitheis, Geamannan Oiliompach no a leithid a bhuineas don spòrs aca. Faodar an duais a thoirt cuideachd do neach co-cheangailte ri UHI a chuir gu mòr ri spòrs Oilthigheach, Albannach, Breatannach no cruinneil.
Co dha a tha Duaisean nan Gorm Spòrsach fosgailte?
- Lùth-chleasaichean fa leth, a bhios a' farpais leotha fhèin
- Lùth-chleasaichean fa leth, a bhios a’ farpais mar phàirt de sgioba
Cinn-latha chudromach
- 28 Giblean 2024 - ainmeachaidhean a’ fosgladh
- 23 Cèitean 2024 - ainmeachaidhean a’ dùnadh
Gus ainmeachadh a chur a-steach uisnichibh am foirm seo airson dhuaisean nan gorm spòrsach, agus am foirm seo eile a dh’ainmeachadh airson nan gorm urramach.
Buannaichean a bh’ ann
Tha Buannaichean nan Gorm Spòrsach bho bhliadhnaichean roimhe air an liostadh an seo.