Suirbhidh Thoraidhean Cheumnaichean
’S e suirbhidh nàiseanta a th’ ann an Suirbhidh Thoraidhean Ceumnaichean a bhios a’ faighneachd do cheumnaichean mu an cuid obrach, ionnsachadh a bharrachd agus eòlasan 15 mìosan an dèidh dhaibh an cùrsa a chrìochnachadh. Bidh ur beachdan a’ cuideachadh oileanaich làithreach agus oileanaich san àm ri teachd le slighean dreuchdail a thuigsinn agus gar cuideachadh-ne le bhith ag ath-sgrùdadh agus a’ leasachadh ar cùrsaichean aig UHI.
Bidh na toraidhean cuideachd a’ cur ri dealbh nàiseanta de thoradh cheumnaichean air feadh na RA.
Cò a bhios a’ ruith na suirbhidh?
Cò a bhios a’ ruith na suirbhidh?
Tha an t-suirbhidh air a ruith leis a’ Bhuidheann Staitistig Foghlam Àrd-Ìre (HESA). Tha e air a lìbhrigeadh le cunnradair sgrùdaidh neo-eisimeileach ag obair le HESA agus UHI.
Cò chuireas fios thugam?
Cò chuireas fios thugam?
Dh’fhaodadh gun tèid fios a chur thugad anns na dòighean a leanas:
- Post-d: bho Graduate Outcomes, le UHI anns an t-seòladh puist-d, anns a bheil ceangal chun na suirbhidh air-loidhne.
- Teachdaireachd teacsa: bho GradOutcome, le ceangal chun na suirbhidh.
- Gairm fòn: bho IFF Research, a bhios a’ tional fhreagairtean air a’ fòn às leth UHI.
Mura h-eil e comasach fios a chur thugad, is dòcha gun iarr sinn am fiosrachadh bho threas phàrtaidh, leithid ball den teaghlach.
Cuin a bhios agam ris an t-suirbhidh a lionadh?
Cuin a bhios agam ris an t-suirbhidh a lionadh?
Cuiridh sinn fios thugad mu 15 mìosan an dèidh dhut do chuid ionnsachaidh a chrìochnachadh.
Mar stiùireadh:
| Ma chrìochnaich thu ann an: | Thèid fios a chur thugad ann an: |
|---|---|
| Cèitean gu Iuchar | An t-Sultain |
| Gearran gu Giblean | An t-Ògmhios |
| Samhain gu Faoilleach | Am Màrt |
| Lùnastal gu Dàmhair | An Dùbhlachd |
Ciamar a thèid na freagairtean agam a chleachdadh?
Ciamar a thèid na freagairtean agam a chleachdadh?
Cleachdaidh UHI agus buidhnean eile na freagairtean agad airson rannsachadh agus aithris. Mus tòisich thu air an t-suirbhidh, thèid innse dhut mar a thèid an dàta agad a chleachdadh, cò leis a thèid a cho-roinn, agus carson.
Ciamar a nì mi cinnteach gun tèid cuireadh a thoirt dhomh?
Ciamar a nì mi cinnteach gun tèid cuireadh a thoirt dhomh?
Bheir sinn seachad am fiosrachadh conaltraidh agad do HESA gus an urrainn dhaibh cuireadh a thoirt dhut air pàirt a ghabhail. Dèan cinnteach gu bheil an seòladh puist-d agad ùraichte againn. Ma tha am fiosrachadh agad air atharrachadh, cuir fios thugainn suas ri seachdain mus dùin an sgrùdadh agus cuiridh sinn an t-ùrachadh air adhart chun a’ chunnradair sgrùdaidh.
Am feum mi pàirt a ghabhail?
Am feum mi pàirt a ghabhail?
Chan fheum. Tha e roghainneil pàirt a ghabhail.
Nuair a thèid fios a chur thugad, faodaidh tu tarraing a-mach agus cha tèid fios a chur thugad a-rithist. Ma tha thu airson tarraing a-mach ro-làimh, cuir post-d gu info@graduateoutcomes.ac.uk. Chan urrainn dha UHI do thoirt a-mach às an t-suirbhidh gu dìreach.
Tuilleadh fiosrachaidh
Tuilleadh fiosrachaidh
Roinnidh sinn barrachd fiosrachaidh mun sgrùdadh goirid mus tèid cuireadh a thoirt dhut pàirt a ghabhail.
Ma tha ceistean agad mu HESA no dìon dàta, cuir fios gu:
- Post-d: data.protection@hesa.ac.uk
- Fòn: 01242 211135
- Seòladh: HESA, 95 Promenade, Cheltenham, GL50 1H