Suirbhidh Nàiseanta nan Oileanach (SNO)
Bidh an suirbhidh nàiseanta seo a’ faighneachd de dh’oileanaich fho-cheuma nam bliadhna mu dheireadh mu na dh’fhiosraich iad air an cùrsa. Is ann tron Ghearran am Màrt is an Giblean a bhios e a’ dol a h-uile bliadhna fo stiùir Ipsos Mori, buidheann rannsachaidh margaidh neo-eisimeileach. Cha chuirear ainm dhaoine ris na freagairtean a bheir iad air an t-suirbhidh.
.jpg "Vector image with bilingual text in Gaelic and English")
Cò tha ion-roghnach airson SNO?
Fosglaidh Suirbhidh Nàiseanta nan Oileanach 2021 do dh’oileanaich Oilthigh na Gàidhealtachd agus nan Eilean eadar 08 Gearran agus 30 Giblean 2021.
Is e suirbhidh cuimsichte a tha seo de dh’oileanaich sa bhliadhna mu dheireadh aca de cheum fo-cheum trì no ceithir bliadhna, no am bliadhna mu dheireadh HND.
Is e oileanaich chuimsichte a-mhàin a gheibh fios le cuireadh a bhith a’ gabhail pàirt san t-suirbhidh. Gheibh oileanaich ion-roghnach fios o Ipsos Mori tro phost-d agus brosnaichear iad a bhith a’ gabhail pàirt le an ceannard-prògraim agus am PAT.
Dè na ceistean a chuirear?
Tha 27 de cheistean ioma-roghainn san t-suirbhidh agus iad air an roinn nan earrainnean a ghabhas a-steach: teagasg air a’ chùrsa agam, measadh agus fios air ais, rian is riaghladh, cothroman ionnsachaidh, coimhearsnachd ionnsachaidh agus guth nan oileanach. Tha ceistean ioma-roghainn a bharrachd ann a ghabhas freagairt ma thograr, agus tha cuireadh dhaibhsan a tha a’ gabhail pàirt beachdan fhàgail air eileamaidean a bha sònraichte math no dona anns na dh’fhiosraich iad mar oileanaich.
Dè mar a gheibh mi mo eàrlas Amazon?
Tha an t-oilthigh a’ tairgsinn eàrlas Amazon £10 mar bhuidheachas dhaibhsan a choileanas Suirbhidh Nàiseanta nan Oileanach air loidhne. Nuair a choileanas iad an suirbhidh, gheibh oileanaich post-d a dhearbhas gun do chuir iad an suirbhidh a-steach. Is còir dhaibh am post-d dearbhaidh seo a chur a dh’ionnsaigh sgioba SNO an oilthigh aig nssuhi@uhi.ac.uk. Thèid eàrlasan Amazon a chur tro phost-d an sin chun a’ cheart chunntais ro cheann 10 làithean obrach.
What happens to the results?
Gheibh an t-oilthigh seata iomlan de dhàta suirbhidh SNO, is a h-uile fiosrachadh dearbh-aithneachaidh air a thoirt às, san Iuchar/Lùnastal. Nithear mion-sgrùdadh air an dàta agus thèid a chur a dh’ionnsaigh diofar chomataidhean a dh’uisnicheas e a phlanadh airson na bliadhna acadaimigich ri tighinn. Cùrsaichean a choileanas nas ìsle na a’ chuibheasachd airson 'riarachadh san fharsaingeachd’, thèid iarraidh orra planaichean-gnìomha a sgrìobhadh a dh’innseas mar a thèid iad an grèim ri draghan nan oileanach san ath bhliadhna acadaimigich. Chì sibh geàrr-chunntas air toraidhean an oilthigh an seo SNO 2019.