Mu

Oilthigh eadar-dhealaichte

Tha barrachd air colaiste agus barrachd air oilthigh ann an UHI. Tha sinn nar pàirt de shìol ùr de stèidheachdan treas ìre, gun ar leithid a bhith ann an Alba is gun ach beagan ann san Roinn Eòrpa.

‘S e com-pàirteachas eadar-mheasgte agus sùbailte a th’ annainn a tha a’ frithealadh ar coimhearsnachdan agus ceangailte ri am feumalachdan. ‘S e iomachdachd agus sùbailteachd ar com-pàirteachais an neart as motha a th’ again, agus tha seo a’ toirt cumhachd dhuinn gu barrachd a lìbhrigeadh.

Bid sinn a’ tabhann ionnsachadh sùbailte le taic bho ìre inntrigidh gu ìre PhD, a tha a’ freagairt air barrachd dhaoine aig barrachd ìrean airson barrachd adhbharan.

Tha sinn moiteil às an àite gun samhail a th’ againn agus nar freumhan domhainn nar coimhearsnachdan agus tha seo a’ fàgail ar teagasg agus ar rannsachadh nas co-cheangailte ris na feumalachdan aca.

Tha 36,000 oileanach aig cridhe is cuislean ar com-pàirteachas agus is ann mar a shoirbhicheas iadson a bu chòir dhuinn a bhith air ar tomhas.