Samhain
Ceum ùr a bheir freagairt air fàs san fheumalachd a thaobh slàinte shùl
Thug an t-oilthigh fios gun tairg e prògram optomatrachd ùr a thoirt freagairt air an iarraidh fhàsmhor a th’ ann air seirbheisean cùram shùl an ceann tuath na h-Alba. Bidh an cùrsa seo air a’ chiad cheum optomatrachd ùr a chaidh a stèidheachadh an Albainn o chionn cha mhòr 50 bliadhna.
Oileanach à Slèite air a h-ainmeachadh mar Thosgaire Òg Gàidhlig
Chaidh oileanach BA ann an cleachdadh leanabachd, Lucy Hannah, ainmeachadh mar Thosgaire Òg Gàidhlig na bliadhna seo an Duaisean Gàidhlig an Daily Record. Tha Lucy a’ riaghladh Fàs Mòr, ionad cùraim-chloinne aig Sabhal Mòr Ostaig UHI, a tha a’ tairgsinn cùram-latha tro mheadhan na Gàidhlig.
Maoin Leasachadh Oileanaich a’ ruigsinn clach-mhìle
Tha maoin leasachadh oileanaich an oilthigh a’ comharrachadh deich bliadhna on a chaidh a stèidheachadh. Agus i air a cur air bhonn an Dàmhair 2009, thug i taic do bharrachd is 400 oileanach gus an dèanadh iad buil de chothroman fèin-leasachaidh co-cheangailte ris a’ chùrsa aca a rachadh a chall, mura b’ e sin, air tàilleabh chuingealachdan airgid.
Colaiste Mhoireibh UHI a’ com-pàirteachadh le Gòrdan & MacPhail
Stèidhich Colaiste Mhoireibh UHI prògram leasachaidh dhreuchdail leantainnich ùr do cheannardan gnothachais. Chaidh an cùrsa ‘ceannardas is leasachadh ciallach do ghnothachas an latha an-diugh’ a chruthachadh an com-pàirteachas leis a’ chompanaidh dheochannan-làidir theaghlachail, Gòrdan & MacPhail.