8.10 Stòrasan fiosaigeach

susbaint

Facal-toisich

Bidh stèidheachdan am bitheantas an sealbh air tìr no stòrasan mòra iad fhèin. Tha na clasaichean sa chatagaraidh seo a’ gabhail a-steach fiosrachadh aig ìre ro-innleachdail a thaobh rianachd na stèidheachd air na stòrasan fiosaigeach aice. Feumar cuid den fhiosrachadh seo fhoillseachadh fo Riaghailtean Fiosrachaidh Àrainneachdail (Alba) 2004. Faodaidh gum bith fiosrachadh a bheir mion-phuingean sònraichte mu phlanaichean na stèidheachd airson atharrachadh a thoirt air an tìr is na togalaichean aice san àm ri teachd (m.e. ma bhitear am beachd sealbh a bharrachd a cheannach) a bhith air a shaoradh o fhoillseachadh far an dèanadh foillseachadh den t-seòrsa cron air leas malairteach na stèidheachd. Còrr’ uair bidh fiosrachadh air a shaoradh o fhoillseachadh mas e fiosrachadh a th’ ann a dh’fhaodadh, nan leigte ris e, droch bhuaidh mhòr a thoirt air leas malairteach duine sam bith, slàinte cuirp no inntinn no sàbhailteachd duine sam bith a chur an cunnart, droch bhuaidh mhòr a thoirt air coilionadh èifeachdach ghnothaichean poblach, no nam faodadh e bhith na bhriseadh dìomhaireachd a bhiodh buailteach do cheuman laghail.

Àrainnean Oilthigh na Gàidhealtachd agus nan Eilean

Ainm a’ Chatagaraidh	Tuairisgeul air a’ Chatagaraidh	Eisimpleirean/Nòtaichean	Cruth an fhiosrachaidh	Cìs	Fiosrachadh air a chumail air ais
Tuairisgeul air an tìr is na togalaichean	Sealladh coitcheann air tìr is togalaichean na stèidheachd	Suidheachadh, meud is staid nan togalaichean cudromach agus am feum a nithear dhiubh. Togalaichean clàraichte	Ri fhaotainn air an làraich-lìn	Gun phàigheadh
Planaichean airson leasachadh an tìr is nan togalaichean	Planaichean airson atharrachaidhean mòra ris an tìr is na togalaichean, a’ gabhail a-steach phlanaichean a bhith a’ cleachdadh maoineachadh calpa mòr.	Molaidhean a bhith a’ toirt cruth-atharrachadh cudromach a dh’aithghearr air an tìr is na togalaichean m.e. a bhith a’ cur ris an tìr is na togalaichean no a bhith a’ faotainn rèidh ’s eileamaidean cudromach		Gun phàigheadh	Chan fhoillsichear fiosrachadh far an toireadh sin droch bhuaidh mhòr air ar leas malairteach fo R.33 den Achd.
Aitreabhan a tha gan togail	Geàrr-chunntas air aitreabhan a tha gan togail		Ri fhaotainn air an làraich-lìn	Gun phàigheadh
Cumail suas	Rèiteachaidhean is poileasaidhean a thaobh togalaichean is tìr a chumail suas	Rèiteachaidhean is clàran-ama fad-ùineach/socraichte airson cumail suas. Mar a dh’iarrar obraichean càiridh	Ri fhaotainn air an làraich-lìn	Gun phàigheadh
Comharraidhean coilionaidh airson an tìr is nan togalaichean	Comharraidhean coilionaidh a thaobh fheuman as cudromaiche an tìr is nan togalaichean			Gun phàigheadh	Chan fhoillsichear fiosrachadh far am briseadh sin dìomhaireachd fo R.36 den Achd.
Poileasaidhean a thaobh na h-àrainneachd	Poileasaidhean is cleachdaidhean na stèidheachd a thaobh na h-àrainneachd agus sealladh farsaing air an èifeachd aca	Caitheamh lùtha Poileasaidhean is rèiteachaidhean ath-chuairteachaidh Poileasaidhean is rèiteachaidhean siubhail Poileasaidhean seasmhachd Fiosrachadh a dh’fheumar foillseachadh fo Riaghailtean Fiosrachaidh Àrainneachdail (Alba)	Ri fhaotainn air an làraich-lìn	Gun phàigheadh